Елбасы облыстардың және Астана мен Алматы қалалары әкімдерімен кеңес өткізді
АСТАНА. ҚазАқпарат - Елбасы Нұрсұлтан Назарбаев облыстардың және Астана мен Алматы қалалары әкімдерінің қатысуымен кеңес өткізді, деп хабарлайды Ақорданың баспасөз қызметінен.
Кеңесте өңірлік дамудың қазіргі мәселелері, соның ішінде қоғамдық-саяси тұрақтылықты, биылғы жылыту маусымын үзіліссіз аяқтауды, көктемгі егіс жұмыстарына дайындықты қамтамасыз ету, сондай-ақ бюджет қаражаттарын басқару, жергілікті жерлердегі баға мен тарифті мониторингтеу жайы қаралды.
Кеңес қорытындысы бойынша Мемлекет басшысы өңірлерді әрі қарай дамыту жөнінде нақты тапсырмалар берді.
