Елбасы өзекті мәселелерді дер кезінде қойып отыр - Нұрлан Серғалиев
ОРАЛ. ҚазАқпарат - Елбасымыз өз Үндеуінде билік тармақтары арасында өкілеттіліктерді қайта бөлу мәселелерін дер кезінде қойып отыр. Бұл туралы Жәңгір хан атындағы Батыс Қазақстан аграрлық-техникалық университетінің ректоры, Мемлекеттік сыйлықтың иегері, облыстық мәслихаттың депутаты Нұрлан Серғалиев мәлім етті, деп хабарлайды «ҚазАқпарат» ХАА тілшісі.
Оның айтуынша, өтпелі кезеңде күшті билік керек болды. Тәуелсіздік алғаннан бергі мерзім Қазақстанның мемлекет ретінде қалыптасқандығын көрсетті. Елбасының бастауымен қарқынды дамып келе жатқан Қазақ елін бүкіл әлем таныды. Сонымен қатар, Президентіміздің атап өткеніндей, қоғам өзгерді. Дүние жүзінде де көптеген өзгерістер болып жатыр. Сол себепті мемлекеттің басқару жүйесін жаңғыртатын мезгіл келді.
«Үндеу әр азаматты елі үшін, оның болашағы үшін жауапты болуға шақырады. Президентіміздің қай бастамасы да күллі әлем тап болып отырған жаһандық мәселелердің алдын алуға бағытталған. Екіншіден, Конституцияға енгізілетін өзгерістер жөнінде әркім өз пікірін еркін айта алады. Яғни әр адам алдағы реформаға тікелей қатыса алады. Бұл еліміздің барша азаматтары үшін ортақ мәселе болмақ», деді Н.Серғалиев.
