Елбасы «Пошта туралы» ҚР жаңа Заңына қол қойды
АСТАНА. ҚазАқпарат - Елбасы Нұрсұлтан Назарбаев пошта байланысы саласындағы мемлекеттік реттеуді жетілдіруге бағытталған «Пошта туралы» Қазақстан Республикасының жаңа Заңына қол қойды.
Бұл туралы Ақорданың баспасөз қызметінен хабарлады.
Сондай-ақ Мемлекет басшысы заңнаманы жаңадан қабылданған «Пошта туралы» Қазақстан Республикасының Заңымен сәйкестендіруге бағытталған «Қазақстан Республикасының кейбір заңнамалық актілеріне пошта мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Заңдардың мәтіні баспасөзде жарияланады.
