Елбасына арналған «Атадан мұра» күйінің тұсаукесері өтеді

АСТАНА. ҚазАқпарат - 17 наурыз Қазақстан Республикасының Тұңғыш Президенті  Елбасының кітапханасында 15 жастағы күйші Ғаламат Бейсеқожаевтың Мемлекет басшысына Н.Ә. Назарбаевқа арнаған «Атадан мұра» күйінің тұсаукесері өтеді, деп хабарлайды ҚазАқпарат.

Елбасы кітапханасы таратқан ақпаратқа сәйкес, жас дарын «Махамбет», «Абай толғауы», «Есдәулет», «Сұлутөр», «Қосбасар», «Қордай», «Жауынгер», «Есдәулет» іспетті 20-ға жуық күйдің авторы. 9 сынып оқушысы талай республикалық байқаулардың жүлдегері атанған.

 Елбасына арналған жаңа туындының тұсаукесеріне жас өнерпаздар Ахмет Жұбанов атындағы дарынды балаларға арналған мектеп-интернатының 9 және 5 сынып оқушылары Ғаламат пен Нұрәлі Бейсеқожаевтар, Ғ.Орманов атындағы мектеп-гимназияның оқушылары мен ұстаздары, колледж студенттері және Елбасы кітапханасының қызметкерлері қатысады.

Кездесу барысында ағайынды Бейсеқожаевтармен сұхбат өтеді және музыкалық қойылымдар жоспарланған.