Елбасының атына egov.kz арқылы хат жолдауға болады
АСТАНА. ҚазАқпарат - Мемлекет басшысының атына хатты қалай жолдауға болатыны жөнінде Ақорданың Фейсбуктегі ресми парақшасында жарияланды.
«Қымбатты достар!
Біздің посттарымыздың түсініктемелерінде пайдаланушылар Мемлекет басшысының атына хатты қалай жолдауға болатыны туралы сұрақты жиі қойып отырады. Осыған байланысты, «Президентке хат» опциясының akorda.kz сайтының бас бетінде бар екенін хабарлап отырмыз.
Сондай-ақ аталған қызметтің egov.kz порталы арқылы жүзеге асырылатынын еске саламыз, сондықтан электрондық цифрлық қолтаңбаның болуы міндетті», - делінген жазбада.
