Елде короновирусқа шалдыққан 5 науқастың жағдайы өте ауыр
АСТАНА. ҚазАқпарат – Қазақстан бойынша коронавирус жұқтырған 136 науқас стационарлық ем қабылдап жатыр, деп хабарлайды ҚазАқпарат денсаулық сақтау министрлігіне сілтеме жасап.
«23 қыркүйектегі мәлімет бойынша, 6 449 адам коронавирус инфекциясынан (–6 313+ және 136 КВИ-) емделіп жатыр, оның ішінде 136 пациент стационарда, 6 313 науқас амбулаториялық деңгейде.
КВИ+, КВИ- шалдыққандардың арасында: 4 адамның жағдайы ауыр, 5 пациенттің жағдайы өте ауыр, 1 науқас ӨЖЖ аппаратында жатыр», - делінген ведомство хабарламасында.
