Елдігіміздің ертеңі ошақтың үш тағаны сияқты «бір халық - бір ел - бір тағдыр» деген үш сөзге сыйып тұр - Н.Назарбаев

АСТАНА. 24 сәуір. ҚазАқпарат - Қазақстан халқы Ассамблеясының мерейтойлық 20-сессиясын «Бір халық - бір ел - бір тағдыр» деп атауымыздың астарында үлкен мән бар.

Бұл туралы бүгін Астанада Бейбітшілік және келісім сарайында «Қазақстан - 2050» cтратегиясы: бір халық - бір ел - бір тағдыр» тақырыбымен өтіп жатқан Қазақстан халқы Ассамблеясының ХХ сессиясында сөз сөйлеген Қазақстан Республикасының Президенті, Қазақстан халқы Ассамблеясының Төрағасы Нұрсұлтан Назарбаев мәлім етті, деп хабарлады Ақорданың баспасөз қызметі Твиттерде.

«Осылай, елдігіміздің ертеңі ошақтың үш тағаны сияқты «бір халық - бір ел - бір тағдыр» деген үш сөзге сыйып тұр», деп атап өтті Нұрсұлтан Назарбаев. .