Елдің Әлеуметтік кодексін әзірлеу қажет – Тоқаев
НҰР-СҰЛТАН. ҚазАқпарат – Елдің Әлеуметтік кодексін әзірлеу қажет. Бұл туралы бүгін Қазақстан халқына Жолдауын жария еткен ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.
«Үкіметке елдің Әлеуметтік кодексін әзірлеуді тапсырамын. Әлеуметтік төлемдерді цифрландыру бойынша шаралар қабылдау қажет. Бұл үшін азаматтың цифрлық әлеуметтік әмиян енгізіп, сонымен қатар тиісінше тауар өткізетін жүйе құру керек», - деді Қазақстан Президенті.
Мемлекет басшысының атап өтуінше, қоғам еңбек құндылықтарын қабылдауын өзгертуі тиіс.
«Жас буынға еңбекті бағалауды, оны мәртебелі немесе мәртебесіз деп бөлмеуге үйрету қажет. Өкінішке орай, жастар бір сәтте-ақ байып шыға келгілері келеді. Міне осыдан лотереяларға, ставкаларға, букмекерлік агенттіктерге үйір болып алған», - деді Қасым-Жомарт Тоқаев.
