Елдің басым бөлігінде көктайғақ болады
АСТАНА. ҚазАқпарат - «Қазгидромет» РМК 1 қаңтарға арналған ауа райы болжамын ұсынады, деп хабарлайды ҚазАқпарат.
Республиканың басым бөлігінде жауын-шашынсыз ауа райы сақталады. Тек батыста, оңтүстік-батыста және солтүстік-батыста атмосфералық ауа ағындардың өтуіне байланысты жауын-шашын жауады.
Жамбыл, Оңтүстік Қазақстан, Ақмола, Алматы, Қостанай, Солтүстік Қазақстан, Павлодар, түнде және таңертең Қарағанды, Шығыс Қазақстан облыстарының кей жерлерінде тұман түсіп, желдің күшеюі 15-23 м/с күтіледі.
Маңғыстау, Атырау, Батыс Қазақстан, Қызылорда облыстарының кей жерлерінде тұман, көктайғақ болады.
