Елдің шығысында жауын жауып, көктайғақ болады - Қазгидромет
АСТАНА. ҚазАқпарат - Қазгидромет Қазақстан аймақтарында 2022 жылғы 21 қазанда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.
Атлантикалық циклон шұңқырының әсерінен және атмосфералық фронтальды бөлімдердің өтуімен ҚР басым бөлігінде жаңбыр жауады, елдің шығысында – қатты жауын-шашын (жаңбыр, қар), көктайғақ болады.
Тек еліміздің оңтүстік-шығысында жауын-шашынсыз ауа-райы күтіледі. ҚР бойынша жел күшейеді, республиканың батысында, солтүстік-батысында тұман сақталады.
