Елдос Сметовтің жартылай финалдағы қарсыласы анықталды
ПАРИЖ. KAZINFORM – Дзюдодан Қазақстан командасының мүшесі Елдос Сметовтің жартылай финалдағы қарсылас анықталды. Енді ол келесі белдесуінде испаниялық тәжірибелі татами шебері Франциско Гарригоспен белдеседі.
29 жастағы Франциско Гарригос – 2023 жылғы әлем чемпионы. Ол Париж Олимпиадасында осыған дейін 1/8 финалда бельгиялық Йорри Верстраетенді, 1/4 финалда жапондық Рюдзю Нагаяманы айқын басымдылықпен жеңді.
Ал, Елдос бірінші белдесуінде нидерландтық Торнике Тсакадоеаны жеңсе, екінші айналымда украиналық Дилшод Халматовты Waza-Ari әдісімен таза жеңіп, ширек финалға шықты. Үшінші рет татамиде әлемдік рейтингіде бірінші тұрған Қытайлық Тайпей өкілі Ванг Вейден Waza-Ari ұпайымен басым түсіп, жартылай финалға сүрінбей жетті.
Осылайша, Сметов қазақстандық спортшылар арасында Париж Олимпиаданың жартылай финалына шыққан алғашқы спортшы атанды.
