Электронды шылым шеккен 6 млн-нан астам еуропалық жаман әдетін қойып кеткен
АСТАНА. ҚазАқпарат - 6,1 млн еуропалық темекіден бас тартты, деп жазды Motherboard. Өткен жылы Еуропалық комиссия ұсынған мәліметтерді сараптаған ғалымдар осындай тоқтамға келді. Тағы 9,2 млн адам электрондық бу генераторларының көмегімен темекі шегу көлемін азайтты.
Сауалнамаға Еуропалық одақтың 27,5 мың азаматы қатысты. Алайда зерттеу жүргізушілер сауалнамаға қатысқан осы топтың пайыздық мәліметтері жалпы еуропалық тұрғындар санына қарай есептеді.
Сауалнама нәтижесі төмендегідей болды: респонденттердің 2% бу генераторларын пайдаланғанын мойындады, олардың 35%-ы бұрын темекі шеккен және одан толығымен бас тартқан.
