Электронды үкімет және басқа да бірқатар сайттар уақытша жұмыс істемейді
НҰР-СҰЛТАН. ҚазАқпарат - Мемлекеттік қызмет көрсететін біирқатар ақпараттық ресурстар мен сайттар бір тәулікке жұмысын тоқтатады, деп хабарлайды ҚазАқпарат «Ұлттық ақпарат орталығы» АҚ баспасөз қызметіне сілтеме жасап.
«14 желтоқсан сағат 21:00-ден бастап 15 желтоқсан сағат 21:00-ге дейін мемлекеттік органдардың серверлік орталығында орналасқан телекоммуникациялық жабдықтарда жоспарлы жұмыстар жүргізіледі. Осыған байланысты бірқатар интернет-ресурстар жұмыс істемейді. Қолайсыздық үшін кешірім сұраймыз» деп мәлім етті компаниядан.
14-15 желтоқсан күндері жұмыс істемейтін интернет-сайттар:
- «Электрондық үкімет» порталы»;
- «Электрондық үкіметтің» төлем шлюзі;
- «Мобильді үкімет» қосымшасы;
- TelegramBot - EgoKzBot «Е-нотариат» бірыңғай нотариаттық ақпараттық жүйесі;
- «Техбайқау» міндетті техникалық байқаудың бірыңғай ақпараттық жүйесі;
- «Е-лицензиялау» мемлекеттік деректер қоры;
- «Тауарларды таңбалау» сервистік бағдарламалық өнімі;
- «Монополист» базасы сервистік бағдарламалық өнімі;
- Мемлекеттік органдардың сайттары;
- Қазақстан Республикасы Жоғарғы Сотының сайты;
- Қазақстан Республикасы Ұлттық куәландырушы орталығының сайты.
Сонымен қатар, 1414 бірыңғай байланыс орталығы да уақытша қоңырау қабылдамайды.
