Елена Рыбакина Үлкен шлем турнирінде қанша табыс тапты
НҰР-СҰЛТАН. ҚазАқпарат – Қазақстандық теннисші Елена Рыбакина Уимблдондағы жеңісі үшін $2 млн табыс тапты, деп хабарлайды ҚазАқпарат Sports.kz сайтына сілтеме жасап.
Төменде спортшының Үлкен шлем турнирлерінде өнер көрсеткені үшін алған барлық гонорары көрсетілген. Ол барлығы 3 745 108 доллар табыс тапқан.
«Ролан Гаррос»-2019: бірінші айналым, $ 40 000
US Open-2019: бірінші айналым, $ 58 000
Australian Open-2020: үшінші айналым, $ 124 138
US Open-2020: екінші айналым, $ 100 000
«Ролан Гаррос»-2020: екінші айналым, $ 84 000
Australian Open-2021: екінші айналым, $ 115 500
«Ролан Гаррос»-2021: ширек финал, $ 283 500
Уимблдон-2021: 1/8 финал, $ 211 770
US Open-2021: үшінші айналым, $ 180 000
Australian Open-2022: екінші айналым, $ 102 200
«Ролан Гаррос»-2022: үшінші айналым, $ 126 000
Уимблдон-2022: титул, $ 2 320 000
Қазақстандық теннисші Елена Рыбакина (WTA әлемдік рейтингінде 23-ші орын) Ұлыбританияның ашық чемпионатының финалында Тунис өкілі және WTA рейтингінде әлемнің екінші ракеткасы Онс Жабермен кездесуде үш сетте жалпы есеппен 3:6, 6:2, 6:2 жеңіске жетті. Кездесу бір сағат 50 минутқа созылды. Елена Рыбакина турнирдегі жеңісі үшін Қазақстан Теннис федерациясының сыйлығынан бас тартып, қайырымдылыққа жұмсауды сұрады.
