Елімізде 2009 жылдың мамыр айында инфляция 0,7 пайызды құрады

деп хабарлайды ҚазАқпарат ҚР Статистика агенттігіне сілтеме жасап. Агенттіктің мәліметі бойынша, жыл басынан бері еліміздегі инфляцияның деңгейі - 3,5 пайызды, ал 2008 жылдың мамырынан бері 8,4 пайызды құраған. Мамыр айында азық-түлік тауарларының бағасы 0,9 пайызға, азық-түлікке жатпайтын тауарлардың бағасы 0,4 пайызға, ақылы қызметтер 0,6 пайызға өскен. «Азық-түлік тауарлары нарығында өткен айда күріштің бағасы 4,5 пайызға, жемістер мен көкөністер - 3,7, қант ? 2,7, алкогольсіз сусындар ? 1,1, ет өнімдері ? 1 пайызға өсті. Күнбағыс майы ? 3,9, ұн ? 1,8, сүт өнімдері ? 0,9, қарақұмық жармасы ? 0,7, нан ? 0,5 пайызға арзандады. Медициналық препараттардың бағасы 1,9 пайызға, жеке тазалық тауарлары, жуғыш және тазалағыш құралдар - 1,9, киім-кешектер мен аяқ киімдер - 0,9, үйде күнделікті пайдаланылатын заттар ? 0,8, кітаптар мен газеттер ? 0,7 пайызға қымбаттады. Бензин ? 2,8 пайызға, дизель отыны - 3,5 пайызға арзандады», делінген агенттіктің хабарламасында. Агенттіктің мәліметі бойынша, баға деңгейі көлік қызметтеріне ? 2, денсаулық сақтау, мейрамханалар мен қонақүйлер қызметтеріне ? 0,9, мектепке дейінгі балалар мекемесіне және мәдениет қызметтеріне ? 0,7, қызмет көрсетулерге ? 0,4 пайызға өсті.