Елімізде ана мен бала өлімі төмендеді

АСТАНА. 29 желтоқсан. ҚазАқпарат - «Саламатты Қазақстан» бағдарламасымен қарастырылған шаралардың арқасында елімізде ана мен бала өлімі бойынша жағдай тұрақтанды және бұл көрсеткіштердің төмендеу үдерісі байқалуда, деп хабарлайды pm.kz сайты.

Атап айтқанда, 2011 жылдың 11 айында ана өлімі көрсеткіші 1,4 есеге төмендеген (2011 жылдың 11 айында - әр тірі туған 100 мың адамға шаққанда, бұл көрсеткіш 16,4 құраған, 2010 жылдың 11 айында - әр тірі туған 100 мың адамға шаққанда, бұл көрсеткіш 23 болған).

Өткен жылдың сәйкес кезеңімен салыстырғанда бала өлімі 11,3 пайызға төмендеп, әр 1000 жаңа туған нәрестеге шаққанда 14,9 құраған, 2010 жылдың сәйкес кезеңіндегі көрсеткіш - 16,8 болатын.