Елімізде әрбір үшінші қылмыс әйелдерге қатысты жасалады
АСТАНА. 26 сәуір. ҚазАқпарат - 2012 жылы елімізде тұрмыстық сипатта өрбіген әрбір үшінші қылмыс әйелдерге қатысты жасалды. Бұл туралы бүгін ҚР Президенті жанындағы Әйелдер және отбасылық-демографиялық істер жөніндегі ұлттық комиссия отырысында ҚР Бас прокурорының орынбасары Жақып Асанов мәлім етті.
«Бұл 298 қылмыс немесе аталған санатта жасалған барлық қылмыстың 38 пайызы», - деп нақтылады ол.
Оның атап өтуінше, статистикалық деректерге қарағанда, тұрмыстық зорлық-зомбылықтың алдын алу саласындағы ахуал көңіл көншітерлік емес.
«Учаскелік инспекция қызметтерімен тұрмыстық қылмыс саласында алдын алу және жою жұмыстары іс жүзінде жүргізілмейді», - деді Ж.Асанов.
