Елімізде ауа райына байланысты 7 өңірде ескерту жарияланды

НҰР-СҰЛТАН. ҚазАқпарат – Елімізде қолайсыз ауа райына байланысты 7 өңірде ескерту жарияланды, деп хабарлайды ҚазАқпарат қазгидрометке сілтеме жасап.

4 сәуірде Ақтөбе облысының кей жерлерінде тұман түседі, түнде кей жерлерде көктайғақ болуы ықтимал. Желдің бағыты оңтүстік-шығыстан батысқа ауысады, күндіз облыстың оңтүтігінде екпіні 16 м/с жетеді.

4 сәуірде Қызылорда облысының кей жерлерінде найзағай ойнайды. Оңтүстік-шығыстан батысқа ауысып жел соғады, күші кей жерлерде 15-20 м/с жетеді.

Ертең таңертең және күндіз Қызылорда қаласында найзағай ойнайды. Оңтүстік-шығыстан батысқа ауысып жел соғады, екпіні күндіз 15-20 м/с жетеді.

4 сәуірде күндіз Маңғыстау облысының кей жерлерінде шаңды дауыл соғуы мүмкін. Батыстан, солтүстік-батыстан жел соғады, күндіз кей жерлерде 15-20 м/с жетеді.

4 сәуірде Ақмола облысының кей жерлерінде тұман түсіп, оңтүстік-шығыстан жел соғады, күші 15-20 м/с жетеді.

4 сәуірде Батыс Қазақстан облысының кей жерлерінде тұман түсуі мүмкін. Оңтүстік-шығыстан солтүстік-батысқа ауысып соғатын желдің күші күндіз кей жерлерде 15-20 м/с жетеді.

Ертең түнде және таңертең Оралда тұман түсуі мүмкін.

4 сәуірде Қостанай облысының кей жерлерінде тұман түсіп, көктайғақ болады. Оңтүстік-шығыстан жел соғады, күші кей жерлерде 15-20 м/с жетеді.

4-5 сәуірде Қарағанды облысының кей жерлерінде тұман түседі. Оңтүстік-шығыстан, шығыстан жел соғады, күші кей жерлерде 15-20 м/с жетеді.