Елімізде бір тәулікте 4 адам суға батып кетті
АСТАНА. ҚазАқпарат - Өткен тәулікте елімізде жабдықталмаған орындарда шомылған 4 адам қайтыс болды, деп хабарлайды ҚазАқпарат.
«Өткен тәулікте шомылуға жабдықталмаған орындарда 4 адам суға батып кетті, оның ішінде 2011 жылы туған бір бала Атырау облысынан. Балалардың өліміне байланысты қайғылы оқиғалардың көпшілігі жүзе алмау, белгісіз жерлерде шомылу, судағы қауіпсіздік ережелерін сақтамау, сондай-ақ балаларды ересектердің қарауынсыз қалдыруға байланысты», - деді ТЖМ баспасөз қызметінен.
Төтенше жағдайлар министрлігі азаматтарды жауапкершілікті сезіне отырып, судағы қауіпсіздік ережелерін сақтауға шақырады.
