Елімізде биржалық сауда-саттық уақытша тоқтатылмақ
НҰР-СҰЛТАН. ҚазАқпарат - 8 қаңтарда Бәсекелестікті қорғау және дамыту агенттігінің жанындағы Биржалық комитет сырттай отырыс өткізді, деп хабарлайды ҚазАқпарат.
Елімізде төтенше жағдайдың енгізілгеніне және жекелеген биржалық тауарларға бағаларды уақытша реттеу белгіленгеніне байланысты, Биржалық комитет тауар биржаларында биржалық сауда-саттықты тоқтата тұруды ұсынды.
Биржалық сауда-саттықты қайта бастау мәселесі елдегі ахуал тұрақтандырылғаннан кейін қаралатын болады.
