Елімізде COVID-19 қарсы 9,4 млн адам егілді
НҰР-СҰЛТАН. ҚазАқпарат - Қазақстанда коронавирус инфекциясына қарсы вакцинаның І компонентін 9 410 880 адам, ІІ компонентін 9 042 521 адам салдырды. Бұл туралы індеттің таралуына жол бермеу жөніндегі Ведомствоаралық комиссия мәлім етті, деп хабарлайды ҚазАқпарат.
Бұдан бөлек, елімізде жасөспірімдерді, жүкті әйелдерді және бала емізетін аналарды коронавирусқа қарсы «Pfizer» вакцинасымен егу жалғасуда.
8 наурызға дейін «Pfizer»-дің І дозасын 882 904 адам, ІІ дозасын 662 677 адам салдырды. Оның ішінде:
І компонентімен
- жасөспірімдер – 731 214;
- жүкті әйелдер – 33 450;
- бала емізетін әйелдер – 115 253.
ІІ компонентімен
- жасөспірімдер – 554 223;
- жүкті әйелдер – 24 786;
- бала емізетін әйелдер – 83 600.
