Елімізде демалыс және мереке күндері ауа райы қандай болады

АСТАНА. ҚазАқпарат - «Қазгидромет» РМК ақпараты бойынша, алдағы екі тәулікте оңтүстік циклон Қазақстанның көптеген облыстарына жаңбыр, найзағай және ұйытқыған жел алып келеді.

6 мамыр күні оңтүстікте, 7 мамыр күні оңтүстік-шығыста, әсіресе таулы және тау бөктерлеріндегі аумақтарда қатты жаңбыр жауады.

Ресейдің Еуропалық бөлігінен антициклон келіп, 8 мамыр күні республиканың оңтүстігінде, 8-9 мамыр күндері орталық және шығысында, 9 мамыр күні солтүстік және оңтүстік-шығысында жауын-шашын тоқтайды. 10 мамыр күні келесі циклонға байланысты бұл аумақта нөсерлі жаңбыр жауып, найзағай ойнайды.

Қазақстанның батыс және солтүстік-батыс облыстары осы кезең ішінде атмосфералық ауа ағынының ықпалында болады, сондықтан бұл жерлерде ауа райы бұлтты және жаңбырлы болуы ықтимал.

6 мамыр күні: күн ала бұлтты, күндіз жауын-шашын түсіп, найзағай ойнайды. Оңтүстік-батыстан ұйытқыған жел солтүстік-батысқа ауысып, оның екпіні 9-14, күндіз 15-20 м/с-қа жетеді. Ауа температурасы түнде +12+14°С, күндіз +19+21°С.

7 мамыр күні: күн ала бұлтты, жауын-шашынсыз. Батыс, оңтүстік-батыстан соққан желдің екпіні 9-14, күндіз 15-20 м/с-қа жетеді. Ауа температурасы түнде +3+5°С, күндіз +16+18°С.

8 мамыр күні: күн ала бұлтты, жауын-шашынсыз. Оңтүстік-батыстан соққан желсолтүстік-батысқа ауысып, оның екпіні 9-14, күндіз 15-20 м/с-қа жетеді. Ауа температурасы түнде +9+11°С, күндіз +18+20°С.

Алматы қаласы бойынша консультативтік ауа райы болжамы

6 мамыр күні: күн ала бұлтты, кешке өткінші жаңбыр жауып, найзағай ойнайды. Ауа температурасы түнде +11+13°С, күндіз +25+27°С.

7 мамыр күні: күн ала бұлтты, кей жерлерде жауын-шашын түсіп, найзағай ойнайды. Желдің екпіні  - 2-7 м/с. Ауа температурасы түнде +12+14°С, күндіз +20+22°С.

8 мамыр күні: күн ала бұлтты, күндіз жаңбыр жауады. Желдің екпіні  - 2-7 м/с. Ауа температурасы түнде +10+12°С, күндіз +20+22°С.