Елімізде электр энергиясы мен жанар-жағармайдың бағасы көтерілмейді
АСТАНА. 4 желтоқсан. ҚазАқпарат - Жаңа жылға дейін электр энергиясы мен жанар-жағармайдың бағасы көтерілмейді. Бұл туралы бүгін Астанадағы брифингте ҚР Табиғи монополияларды реттеу агенттігі төрағасының орынбасары мәлім етті.
«Жаңа жылға дейін Қазақстан бойынша электр энергиясының, жылу мен газдың тарифтері, сондай-ақ жанар-жағармайдың бағасы көтерілмейді»,-деді ол.
А. Дүйсебаевтың сөзіне қарағанда, желтоқсанда теміржол және авиа билеттер бағасы ішкі бағыттарда өзгермейді.
