Елімізде кісі өлтіріп, құқық қорғау органдарынан бой тасалап жүрген Қазақстан азаматы Грекияда ұсталды

деп хабарлайды Бас прокуратураның баспасөз қызметі.

Шет мемлекетте қолға түскен Қазақстан азаматы Г.Семенчук 1995 жылдың ақпан айының 18-і күні ұрыс-керіс кезінде Р.Иризов атты азаматқа аңшы мылтығынан оқ атып, оқиға орнынан қашып кеткен.

Ал Р.Иризов алған жарақатынан ауруханада есін жимастан көз жұмды.

Осы оқиға бойынша 1995 жылдың ақпан айының 19-ы күні Қызылорда қалалық прокуратурасы қылмыстық іс қозғап, Г.Семенчукты кісі өлтірді деген айыппен қамауға алу жөнінде арнайы қаулы шғарды. 1995 жылдың мамыр айының 30-ы күні Г.Семенчукке халықаралық іздеу жарияланған.

Баспасөз мәліметтеріне қарағанда, Грекия Интерполының ұлттық бюросы қазір Афины қаласының аппеляциялық сотына грек тіліне аударылған экстрадициялау материалдарын жіберуді сұрап отыр.