Елімізде коронавируспен ауырған 23 адам көз жұмды

НҰР-СҰЛТАН. ҚазАқпарат - ҚР Денсаулық сақтау министрлігі коронавирусқа қатысты соңғы тіркелген қайғылы жағдайларға қатысты мәліметті жариялады, деп хабарлайды ҚазАқпарат.

17 сәуірде коронавирустан 23 науқас көз жұмған. Оның 22 КВИ+, бір адам COVID-19 белгілері бар пневмониядан қайтыс болды.

Нұр-Сұлтанда 2 адам, Алматыда 6 адам, Ақтөбе облысында 1 адам, Алматы облысында 4 адам, Атырау облысында 2 адам, Жамбыл облысында 1 адам, Батыс Қазақстан облысында 3 адам, Қарағанды облысында 1 адам, Қызылорда облысында 2 адам, Павлодар облысында 1 адам коронавирустан қайтыс болған.

Еске сала кетсек, еліміздің өңірлеріндегі эпидемиологиялық жағдайды бағалау матрицасына сәйкес Ақмола облысы «қызыл аймақтан» шығып «сары аймаққа» өтті.