Елімізде коронавируспен ауырған 75 науқас өкпені жасанды желдету аппаратында жатыр
НҰР-СҰЛТАН. ҚазАқпарат – Елімізде коронавируспен ауырған 75 науқас өкпені жасанды желдету аппаратында жатыр, деп хабарлайды ҚазАқпарат Денсаулық сақтау министрлігіне сілтеме жасап.
Қазақстанда коронавирус инфекциясына шалдыққандар туралы 4 маусымдағы мәлімет бойынша 24 797 адам коронавирус инфекциясынан (24 069 КВИ+ және 728 КВИ-) емделуде, оның ішінде 9 208 пациент стационарда жатыр, 15 589 науқас амбулаториялық деңгейде ем қабылдап жүр.
«КВИ+, КВИ- шалдыққандардың арасында:
572 адамның жағдайы ауыр,
124 пациенттің жағдайы өте ауыр,
75 науқас ӨЖЖ аппаратында жатыр», делінген хабарламда.
2 маусымдағы мәлімет бойынша, елімізде 22 адам коронавирустан көз жұмды. Оның ішінде 15 науқас КВИ+, жетеуі КВИ-.
