Елімізде «Қыс-2020» республикалық штабтық жаттығуы өтіп жатыр
НҰР-СҰЛТАН. ҚазАқпарат - 5-6 қараша аралығында елімізде «Қыс-2020» республикалық штабтық жаттығу өткізіледі, деп хабарлайды ҚазАқпарат Төтенше жағдайлар министрлігіне сілтеме жасап.
Жаттығу қыс кезеңіндегі төтенше жағдайларды жоюға азаматтық қорғау мемлекеттік жүйесінің және халықтың дайындық деңгейі мен қабілетін арттыру, азаматтық қорғау қызметтері мен құрамаларының қысқы кезеңдегі төтенше жағдайға әзірлігін тексеру мақсатында өткізіледі.
Жаттығудың басшылық штабы ҚР ТЖМ Дағдарыс жағдайында басқару орталығының ахуал залында орналасады.
«Қыс-2020» жаттығуы аясында республика бойынша күшейтілген санитариялық-эпидемияға қарсы және санитариялық-дезинфекциялық режимді сақтай отырып, авариялық-құтқару қызметтері мен азаматтық қорғау құралымдары төтенше жағдайды жою бойынша іс-қимылды пысықтап, тактикалық-арнайы оқу-жаттығу жүргізеді.
