Елімізде найзағайлы нөсер жауғанымен күн суытпайды

АСТАНА. ҚазАқпарат - 2017 жылдың 11-13 мамыр аралығында еліміздің басым бөлігінде екпінді жел мен найзағайлы жауын жауады, кей жерлерге бұршақ түседі. Бұл туралы «Қазгидромет» РМК баспасөз қызметі хабарлады.

Мұндай ауа райы республика арқылы өтетін жылы, кейіннен суық ауа ағындарына байланысты болады. Тропосфералық ағындар (5 шақырым биіктікте) батыс және оңтүстік-батыс бағытта болғандықтан, күн суытпайды. Алдағы тәулікте жаңбыр жауатын оңтүстік, оңтүстік-шығыс және шығыс облыстарда ауа температурасы жоғарылайды. 12-13 мамыр күндері бұл жерлерде күндіз +27-35ºС болуы ықтимал.

Астана қаласы бойынша консультативтік ауа райы болжамы

11 мамыр күні: күн ала бұлтты, жауын-шашынсыз болады. Батыс, оңтүстік-батыстан соққан желдің екпіні 9-14 м/с-ға жетеді. Ауа температурасы түнде +12+14°С, күндіз +25+27°С.

12 мамыр күні: күн ала бұлтты, жауын-шашынсыз. Оңтүстік-батыстан соққан жел солтүстікке қарай ауысып, оның екпіні 9-14, күндіз 15-20 м/с-ға жетеді. Ауа температурасы түнде +14+16°С, күндіз +27+29°С.

13 мамыр күні: күн ала бұлтты, күндіз жаңбыр жауады. Солтүстік, солтүстік батыстан соққан желдің екпіні 9-14 м/с-ға жетеді. Ауа температурасы түнде +10+12°С, күндіз +22+24°С.

Алматы қаласы бойынша консультативтік ауа райы болжамы

11 мамыр күні: күн ала бұлтты, түнде және таңертең өткінші жаңбыр жауып, найзағай ойнайды. Желдің екпіні - 0-5, нөсер жауғанда 8 м/с болады. Ауа температурасы түнде +13+15°С, күндіз +25+27°С.

12 мамыр күні: күн ала бұлтты, жауын-шашынсыз болады. Желдің екпіні  - 0-5 м/с. Ауа температурасы түнде +11+13°С, күндіз +27+29°С.

13 мамыр күні: күн ала бұлтты, жауын-шашынсыз болады. Желдің екпіні  - 0-5 м/с.  Ауа температурасы түнде +13+15°С, күндіз +29+31°С.