Елімізде сенбі күні қар жауып, жел күшейеді
АСТАНА. ҚазАқпарат - Елімізде сенбі күні қар жауып, жел күшейеді, деп хабарлайды Қазгидромет.
Республиканың оңтүстігі мен батыс бөлігінде циклон және фронтальды бөліктердің өтуіне байланысты кей жерлерде жауын-шашын (жаңбыр, қар), кей жерлерінде тұман, көктайғақ, желдің күшеюі күтіледі. Қазақстаның қалған аймақтарында жауын-шашынсыз ауа-райы сақталады.
Алматы облысының Жалаңашкөл ауданында жел 22-27, екпіні 30 м/с-ден астам күшейеді.
Жамбыл, Қарағанды облыстарының кей жерлерінде тұман күтіліп, жел 15-20 м/с-ге күшейеді.
Оңтүстік Қазақстан облысының кей жерлерінде жел 15-20 м/с-ге күшейеді. Қызылорда, Маңғыстау облыстарының кей жерлерінде тұман, көктайғақ, Қызылорда облысында жел 15-20 м/с-ге күшейеді.
Қостанай облысының кей жерлерінде тұман, күндіз кей жерлерінде жел 15-20 м/с-ге күшейеді.
Ақтөбе, Батыс Қазақстан, түнде және таңертең Шығыс Қазақстан облыстарының кей жерлерінде тұман күтіледі.
