Елімізде тұңғыш рет татар қыздарының сұлулық байқауы өтті
АСТАНА. 15 қараша. ҚазАқпарат - Павлодар облысы Екібастұз қаласындағы «Қайнар» ойын-сауық орталығында Екібастұз татар-башқұрт этномәдени орталығының ұйымдастыруымен елімізде тұңғыш рет татар қыздарының сұлулық байқауы өтті, деп хабарлайды облыс әкімінің баспасөз қызметінен.
Оған қала мектептері мен колледждерінен 7 қыз іріктеліп алынды. Байқау «Ұлттық тағам», «Қолөнер», «Шығармашылық», т.б. кезеңдерден тұрды.
Бас жүлдені Екібастұз қаласы № 17 мектебінің оқушысы Назира Жасуланова жеңіп алды. Бірінші орынды № 35 мектептің оқушысы Зиля Аюпова алып, 15 мың теңгені еншіледі. Қалған қыздар әртүрлі аталымдарға ие болды.
