Еліміздің 4 қаласында ауа сапасы нашарлайды
НҰР-СҰЛТАН. ҚазАқпарат – 15 желтоқсан күні Қазақстан қалаларының басым бөлігінде жағымды метеорологиялық жағдай қалыптасады, деп хабарлайды ҚазАқпарат.
«Қазгидромет» мәліметіне сүйенсек, ауа сапасының ластануы Ақтөбе, Қостанай, Петропавл және Орал қалаларында күтіледі.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
