Еліміздің барлық қаржы полициясы органдарында «Ашық есік күні» өтеді
АСТАНА. 11 қыркүйек. ҚазАқпарат - 16 қыркүйекте барлық аймақтық қаржы полициясы органдарында «Ашық есік күні» өткізіледі,
деп хабарлады ҚР Экономикалық қылмысқа және сыбайлас жемқорлыққа қарсы күрес агенттігінің баспасөз қызметінен.
Ведомствоның атап өтуінше, сонымен қатар аталған іс-шара ағымдағы жылғы 9 желтоқсанда Халықаралық Сыбайлас жемқорлықпен күрес күні аясында өткізілетін болады.
Аталған іс-шараның мақсаты - қаржы полициясы органдары мен азаматтар арасындағы серіктестік пен сенімділікті орнату, сондай-ақ сыбайлас жемқорлыққа қарсы сана-сезімді қалыптастыру және жағымсыз жемқорлық көріністеріне қарсы тұруға тәрбиелеу.
