Еліміздің басым бөлігінде жауын жауып, шығыста үсік жүреді - Қазгидромет

«Қазгидромет» РМК-сы қыркүйектің 18-і күнгі күн райы болжамын жариялады, деп хабарлайды ҚазАқпарат.

Атмосфера фронталды бөліктердің өтуіне байланысты Қазақстанның басым бөлігінде күн құбылмалы болады, найзағай ойнап, жаңбыр жауады, еліміздің батысында қатты жауын жауады.

Республика бойынша батыста, солтүстік-батыста, оңтүстікте, оңтүстік-шығыста - екпінді жел, батыста, солтүстікте, солтүстік-батыста, шығыста, орталықта тұман түседі.

Қызылорда облысының орталығында, шығысында, оңтүстігінде, Ұлытау облысының оңтүстігінде, төтенше өрт қаупі сақталады, Қарағанды облысының оңтүстігінде өрт қаупі туындайды.

Жамбыл, Түркістан облыстарында жоғары өрт қаупі сақталады.

Шығыс Қазақстан облысының солтүстігінде, шығысында топырақ бетінде 1 градус үсік жүруі ықтимал.