Еліміздің кей аймақтарында найзағай ойнап, бұршақ жауады - Қазгидромет
АСТАНА. ҚазАқпарат - 25 мамыр күні Қазақстан аумағының басым бөлігінде атмосфералық фронталды ауа бөліктерінің өтуіне байланысты жаңбыр жауып, оңтүстік-шығысының кей жерлерінде нөсер болады, кей жерлерде найзағай ойнап, бұршақ жауады, екпінді жел сақталады. Тек республиканың батыс және оңтүстігінде ауа райы жауын-шашынсыз болады, деп хабарлайды «Қазгидромет» РМК.
Ақмола, Қарағанды, Шығыс Қазақстан облыстарының кей жерлерінде найзағай ойнап, желдің екпіні 15-20 м/с күшейеді. Павлодар, күндіз Маңғыстау облыстарының кей жерлерінде желдің күші 15-20 м/с дейін жетеді. Алматы облысының кей жерлерінде найзағай бұршақ, 18-23 м/с жел соғады. Түнде Қостанай, Солтүстік Қазақстан, таңертең және күндіз Жамбыл облыстарының кей жерлерінде найзағай күтіліп, найзағай кезінде желдің екпіні 15-20 м/с дейін күшейеді.
