Еліміздің тоғыз өңірінде ауа райына байланысты ескерту жарияланды

10 ақпанда Алматы облысының солтүстігінде, оңтүстігінде және таулы аудандарында қатты жауын-шашын жауады. Оңтүстік-батыс желі солтүстік-батыс бағытқа ауысады, облыстың батысында, таулы аудандарында жел қарқыны 15-20, 23-28 м/с жетеді.

10 ақпанда Ақтөбе облысының батысында тұман түседі. Солтүстік-батыстан жел соғады, күндіз облыстың солтүстігінде жел екпіні - 15-20 м/с.

10 ақпанда Абай облысыныңоңтүстігінде, орталығында қатты қар жауады, жаяу бұрқасын соғады. Түнде облыстың оңтүстігінде тұман түседі. Батыстан, солтүстік-батыстан соққан желдің екпіні күндіз облыстың шығысында, оңтүстігінде 15-20 м/с дейін күшейеді.

10 ақпанда Шығыс Қазақстан облысының солтүстігінде, шығысында қатты қар жауып, жаяу бұрқасын көтеріледі. Түнде облыстың солтүстігінде және оңтүстігінде тұман түседі. Батыстан, солтүстік-батыстан соққан желдің екпіні - 15-20 м/с.

10 ақпанда түнде Жетісу облысының оңтүстігінде және таулы аудандарында қатты қар жауады. Облыстың солтүстігінде, шығысында, орталығында - жаяу бұрқасын, оңтүстікте таулы аудандарда көктайғақ болады. Оңтүстік-батыстан жел соғады, күші облыстың солтүстігінде, шығысында, орталығында екпіні 25 м/с жетеді.

10 ақпанда Қостанай облысының басым бөлігінде қар жауады. Облыстың солтүстігінде, батысында - жаяу бұрқасын. Түнде және таңертең облыстың шығысында тұман болады. Солтүстік-батыстан жел соғады, облыстың солтүстігінде, батысында желдің қарқыны - 15-20 м/с.

10 ақпанда түнде және таңертең Батыс Қазақстан облысының солтүстігінде, шығысында, орталығында тұман түседі.

10 ақпанда түнде және таңертең Павлодар облысының солтүстік-шығысында ауа райы тұманды болады.

10 ақпанда Солтүстік Қазақстан облысының басым бөлігінде қар жауады. Облыстың батысында, солтүстігінде, оңтүстігінде жаяу бұрқасын соғады. Оңтүстік-батыстан, батыстан жел соғады, облыстың батысында, солтүстігінде, оңтүстігінде желдің күші - 15-20 м/с шамасында.