Еліміздің жеті өңірінде жол қозғалысына шектеу енгізілді

АСТАНА. ҚазАқпарат - Республикалық маңыздағы 10 күре жол жабық, деп хабарлайды ҚазАқпарат ҚазАвтоЖолға сілтеме жасап.

»Ауа райының қолайсыздығына (боран, көрудің шектелуі), жасанды жолмен қар көшкінін түсіру және еріген қар суын бұру жұмыстарын жүргізуге байланысты Ақмола, Ақтөбе, Алматы, Шығыс Қазақстан, Жамбыл, Батыс Қазақстан және Павлодар облыстарындағы республикалық маңызы бар автожолдарда қозғалыс шектелді.

Жоғарыда аталған өңір тұрғындарын алыс сапарға және жабылған күре жолдарға шықпауға шақырамыз. Ауа - райы болжамы мен тасжолдардағы ахуал туралы хабарламаларды ескеру қажет», - деп жазды ведомстводан.

Штаттан тыс жағдай туындаса 1403 қысқа нөміріне қоңырау шалуға болады.