Елизавета II «Хитроу» әуежайының екінші терминалын ашады

АСТАНА. ҚазАқпарат - Лондонның «Хитроу» әуежайының маусым айының басында пайдалануға берілетін екінші терминалы бір жылдың ішінде 20 миллионан астам жолаушыға қызмет көрсетеді.

«Хитроуды» дамыту жөніндегі директор Джон Холланд-Кэйдің айтуынша, қайта жаңғырту жұмыстарына 2,5 млрд. фунд стерлинг жұмсалған терминалдағы алғашқы рейс 4 маусымда қабылданбақ. Ал ресми ашылуы 23 маусымда болады. Жаңа кешенді қалыптасқан дәстүр бойынша Ұлыбритания ханшайымы Елизавета Екінші ашады, деп хабарлайды РИА Новости.