Элмира Сыздықова Ресейдегі күрес турнирінде бас жүлде иеленді
КРАСНОЯР. ҚазАқпарат – Әйелдер күресінен Қазақстан командасының өкілі Элмира Сыздықова «Иван Ярыгин» беделді Гран-при турнирінің жеңімпазы атанды, деп хабарлайды ҚазАқпарат Ұлттық Олимпиада комитетіне сілтеме жасап.
Ол 76 келіге дейінгі салмақ дәрежесінде алтын медаль жеңіп алды. Ақтық жарыста Сыздықова Беларусь спортшысы Ксения Дзибукты 15:4 есебімен ұтты.
Атап өтейік, жартылай финалда ол Мария Силинаны сенімді ұтқан. Жарыс Ресейдің Краснояр қаласында өтіп жатыр.
