Елімізде мемлекеттік су қойма, бөгеттерінің қатары көбейді
АСТАНА. KAZINFORM – Үкімет 2024 жылғы 20 қарашадағы қаулысымен республикалық меншіктегі су қоймалары, бөгеттер мен су тораптары тізбесіне толықтырулар енгізді. Бұған дейін тізімге 212 объекті енген, ал қазір 232 объектіге толықты.
Су шаруашылығы құрылыстары тізбесіне (су қоймалары, бөгеттер, су тораптары, басқа да гидротехникалық құрылыстар жатады) қосылды:
- Тамды өзеніндегі Жартас су қоймасы;
- Желқуар өзеніндегі Желқуар су қоймасы;
- Шолақанқаты өзеніндегі Шолақанқаты су қоймасы;
- Сұлусай өзеніндегі Сұлусай су қоймасы;
- Ембулатов өзеніндегі Ембулатов су қоймасы.
Сондай-ақ, тізім жаңа объектілермен толықтырылды:
- Қылшақты өзеніндегі «Щучье саяжайлары» бөгеті;
- Батпақкөл көліндегі «Батпақкөл» бөгеті;
- Есіл өзеніндегі «Безымянная» бөгеті;
- Айдабол өзеніндегі Айдабол бөгеті;
- Чаглинка өзеніндегі Алексеев бөгеті;
- Қабырга өзеніндегі «Альбарбогет» бөгеті;
- Шар өзеніндегі су торабы;
- Егінсу өзеніндегі су торабы;
- Үржар өзеніндегі су торабы;
- Катынсу өзеніндегі су торабы;
- Шелімбай ағынындағы су тарту құрылысы;
- Быжы өзеніндегі «Старый Кушук» су жинау су торабы;
- Жаманты өзеніндегі су тарту торабы;
- Қаратал өзеніндегі су бөгеті;
- Звездный ауылдық округінің су қоймасы бар бөгет;
- Шалсу өзеніндегі «Шалсу» су торабы;
- Қармақшы ауданы мен Қызылорда қаласындағы 5 коллектор;
- Жаңа Шиелі магистральдық каналының сумен қамтамасыз етілуін жақсарту үшін Сырдария өзеніндегі мата материалдарынан жасалған су тіреуіш құрылысы;
- Қараөзек каналындағы «Картонкомбинат» тіреуіш қоршауы;
- «Северный прокоп» коллекторы;
- Түркістан облысы Ордабасы ауданының тік дренаж ұңғымалары (44).
Қаулы 2024 жылдың 20 қарашасынан бастап күшіне енді.
Айта кетейік, қарашада еліміздегі 1500-ден аса гидротехникалық құрылыс тексеруден өтті. Бұл шара су тасқыны кезеңіне дайындық аясында жүргізілді.
Еске сала кетсек, Қазақстанда 2028 жылға дейін 42 су қоймасы салынбақ.
