Елорда әуежайында алтын әшекей бұйымдарды заңсыз алып өтпек болған әйел қолға түсті

АСТАНА. Тамыздың 12-сі. ҚазАқпарат /Серік Сәбеков/ - Бүгін елорда әуежайында жалпы салмағы 4 килә болатын алтын әшекей бұйымдарды бақылау бекеті арқылы заңсыз алып өтпек болған әйел қолға түсті, деп хабарлады ҚР ҰҚК баспасөз қызметі.

Ұсталған әйел Қазақстан азаматы, Астанаға Ыстамбұлдан ұшып келген екен. Қазіргі уақытта алтын бұйымдар сараптамаға жөнелтілді. Контрабанданы ұстауға байланысты тергеу амалдары жүргізілуде.