Елорда әуежайында ЖПБ қызметкерлері тарапынан заңбұзушылықтар орын алса, сенім телефонына хабарласуға болады

АСТАНА. ҚазАқпарат - Астана қаласы әуежайындағы Желілік полиция бөлімі қызметкерлері тарапынан қандай да бір заңбұзушылықтар мен теріс әрекеттер орын алған жағдайда 69-56-18 сенім телефонына хабарласуға болады.

Көліктегі ішкі істер департаментінің Астана қаласы әуежайындағы Желілік полиция бөлімі Қазақстан Республикасы ІІМ Көліктегі ІІД-нің құрылымдық бөлінісі болып табылады, деп хабарлады ведомстводан.

Астана қаласы әуежайындағы ЖПБ қызметкерлері Астана халықаралық әуежайында Қазақстан Республикасына шетел азаматтарының келуін және онда болуын, сондай-ақ еліміз арқылы шетелдіктердің транзиттік өтуін қадағалайды.