Елорда мен Алматыдан қосымша жолаушы пойыздары шығарылады
НҰР-СҰЛТАН. ҚазАқпарат - «Жолаушылар тасымалы» АҚ қосымша бір реттік екі пойыздың қосылатынын жария етті, деп хабарлайды ҚазАқпарат.
Компанияның мәліметінше, № 200/219 «Нұр-Сұлтан - Нұрлы-жол - Шу» бағыты елордадан 31 шілде және 2 тамыз күндері сағат 09.57 –де жөнелтіледі. Шу стансасына пойыз кешкі 20.00 де жетеді. Ол кері бағытта Шу қаласынан 31 шілде және 2 тамыз күндері кешкі сағат 21.15 шығады.
Ал, № 221/222 «Алматы-2 – Шымкент» бағыты «Алматы-2» вокзалынан 21 шілде күні кешкі сағат 20.15-те сапарға шығады. Кері бағытта Шымкент қаласынан 22 шілде күні кешкі 18.21 жөнелтіледі.
