Елорда полицейлері қылмыспен күресте төбет тұқымды иттерді пайдаланатын болды
НҰР-СҰЛТАН. ҚазАқпарат – Нұр-Сұлтан қаласының полиция департаментінің кинологиялық орталығы өз қызметінде алғаш рет төбет тұқымды иттерді пайдаланатын болады.
Бұл туралы Ішкі істер министрінің кеңесшісі Нұрділдә Ораз мәлім етті, деп хабарлайды ҚазАқпарат тілшісі.
«Нұр-Сұлтан қаласының полиция департаментінің кинологиялық орталығы өз қызметінде алғаш рет төбет тұқымды иттерді пайдаланатын болады. Күшіктер Алматыдан жақында ғана жеткізілген. Қазіргі уақытта олар жаңа қызметке үйретіліп жатыр», - деді Нұрділдә Ораз ОКҚ-да өткен баспасөз мәслихатында.
Оның айтуынша, төбеттер ескірткі тауып, адамдарды иісі арқылы іздеуге үйретіледі.
