Елордада 1-11 сыныптың мектеп бағдарламасы бойынша бейнесабақтар жазылуда
АСТАНА. ҚазАқпарат - Елордада 1-11 сыныптың мектеп бағдарламасы бойынша бейнесабақтар жазылуда. Бұл туралы бүгін елорда білім қызметкерлерінің тамыз кеңесінде Астана қаласының әкімі Әсет Исекешев мәлім етті.
«Қазіргі уақытта біздің үздік ұстаздардың бейнероликтерін жазып жатырмыз. Бұл оқушыларға үй жағдайында сабақ үлгерімін жақсартуға мүмкіндік береді. Сондықтан біз жылдың соңына дейін 1-11 сыныптың барлық сабақтарын жазуды жоспарлаудамыз. Дәрісті ең үздік оқытушылар оқитын болады», - деді қала әкімі.
Жоба Online school Astana деп аталады. Бейнесабаққа жазбаша конспектілер, мәтіндер, жаттығулар, инфографикалар қоса беру жоспарланған.
