Елордада 12-қабаттағы пәтерден өрт шықты

АСТАНА. KAZINFORM - Елордада 12-қабаттағы пәтерден өрт шықты, деп хабарлайды ҚР ТЖМ баспасөз қызметі. 

"Сағат 21:30-да Қайым Мұхамедханов көшесінде пәтер өртеніп жатыр деген хабар түсіп, елордалық өрт сөндірушілер оқиға орнына аттанды. 

Құтқарушылар тиісті адреске келген кезде 12-қабаттағы пәтердің терезесінен сыртқа жалын көрініп, ас үйде және балконда тұрмыстық заттар мен жиһаздар жанып жатқаны анықталды. Өрт аумағы анықталуда. 

Сағат 21:51-де өрт сөндірушілер өртті ауыздықтады" делінген хабарламада.

Өртті сөндіруге Астана қаласының ТЖД жеке құрамының 24 адамы мен 5 техникасы жұмылдырылды.