Елордада 12 қаңтарда сабақтар тоқтатылмайды

АСТАНА. ҚазАқпарат - Бүгін Астанадағы мектептерде сабақтар өткізіледі. Бұл туралы ҚазАқпарат қалалық білім басқармасына сілтеме жасап хабарлайды.

«Құрметті ата-аналар! Бүгін, 12 қаңтар күні сабақтар тоқтатылмай уақытымен жүретін болады. Казгидромет деректері бойынша ауа-райы -13 градус, желдің екпіні 5м/с», - делінген ақпараттық хабарламада.

Еске сала кетсек,  11 қаңтарда Астанада қатты боран соғып, соған байланысты қалада төтенше жағдай жарияланды. 

Ал, мектептерде бірінші  және екінші ауысымда сабақ болмайтындығы хабарланды.

Сондай-ақ, елорда әкімі сабақтың болмайтыны жайында қайдан білуге болатынын айтып берді.