Елордада 20 қараша күні қоғамдық көлікпен жүру тегін болады

АСТАНА. ҚазАқпарат - Астанада 20 қараша – сайлау күні қоғамдық көліктерде (қалалық және қаламаңындағы маршруттар) жол жүру тегін болады. Бұл туралы қала әкімдігінен мәлім етті, деп хабарлайды ҚазАқпарат.

Қоғамдық көлік сағат 06:00-ден 23:00-ге дейін жүреді.

Ал 21 қараша – дүйсенбіден бастап автобустар әдеттегідей, қолма-қол ақшасыз төлеммен штаттық режимде жұмыс істейді.

Еске салайық, 2020 жылдың наурыз айынан бастап елордада кәмелетке толмаған балаларға қоғамдық көлікпен жүру – тегін. Осы уақытқа дейін оқушылар 43 миллион сапар жасады.

Сондай-ақ зейнеткерлер, мүгедектігі бар адамдар, көпбалалы отбасылар және азаматтардың өзге де жеңілдетілген санаты тегін жол жүру құқығын пайдаланады.