Елордада 25 ақпаннан бастап балабақшаларға бүлдіршіндерді жоспардан тыс жинақтау басталады

Бұл туралы Астана қаласының ресми сайты astana.kz Білім басқармасына сілтеме жасап хабарлады.

Атап айтқанда, мектепке дейінгі мекемелердің пайдалануына берілуіне байланысты:

№ 68 балабақшасы - Пригородный кенті, Сарытоғай көшесі, 9 үй (Пригородный кентінде орналасқан),№ 69 балабақшасы - 23-31 көше, 41 үй (Тұрсын-Астана тұрғын үй кешені ауданында орналасқан), №70 балабақшасы - 23-31 көше, 39 үй (Тұрсын-Астана тұрғын үй кешені ауданында орналасқан), №71 балабақшасы - Проектная көшесі №199, 36/3 үй («Хан шатыр» ойын-сауық орталығы ауданында орналасқан) балабақшаларында 2013 жылдың 25 ақпаны мен 1 наурызы аралығында топтау жүргізіледі, - делінген хабарламада. «Сондай-ақ, қалалық Білім басқармасы мектепке дейінгі мекемелердегі орын тапшылығына орай, жинақтау жұмыс тобында ата-аналардың тұрғылықты мекен-жайына байланысты балабақшаға жолдама беру мүмкіндігі жоқ. Мектепке дейінгі мекемелерге жинақтау жұмыс тобына барудың алдында, жаңадан ашылып жатқан балабақшалардың орналасқан мекен-жайымен танысуды ұсынады. Егер балабақшалардың орналасу мекен-жайы Сізге қолайлы болмаса, 2013 жылы маусым айында жүргізілетін жоспарлы жинақтау жұмыс тобына кезек саныңыз сақталған қалпында қатыса аласыз», - делінген баспасөз хабарламасында.

Топтау 2013 жылғы 25 ақпаннан басталады. Өткізілетін орны: №26 бастауыш мектеп (Конституция, 44). Жұмыс режимі: күнделікті сағат 10.00-ден 18.00-ге дейін, үзіліс сағат 13.00-ден 14.00-ге дейін. Сенбі, жексенбі -демалыс күндері.

2013 жылы жаңадан қолданысқа берілген мектепке дейінгі мекемелерге топтауға босаған орындар саны

Мектепке дейінгі білім беру мекемелерінің орындар бөлу тізімі