Елордада 60-тан астам МИБ пен ПИК-ке 1,5 млн теңге айыппұл салынды
НҰР-СҰЛТАН. ҚазАқпарат - Жыл басынан бері ПИК және МИБ-қа қызмет көрсететін 64 ұйымға үйлердің іргелес аумақтарын тиісінше тазаламағаны үшін 1 млн 545 мың теңге айыппұл салынды, деп хабарлайды ҚазАқпарат Нұр-Сұлтан қаласы ПД баспасөз қызметіне сілтеме жасап.
Бұдан басқа, орамішілік аумақтарды қардан, мұздан және қоқыстан уақтылы және тиісінше жинамағаны, қалдықтарды уақтылы әкетпегені үшін 56 мердігер ұйым әкімшілік жауапкершілікке тартылды. Оларға жалпы сомасы 2 млн 175 мың теңге айыппұл салынды.
Нұр-Сұлтан қаласы ПД жергілікті полиция қызметінің қызметкерлері абаттандыру ережелерін бұзғандарды анықтауға бағытталған рейдтер жүргізіп отырады. Бұл құқық бұзушылық ҚР ӘҚБК 505-бабымен тіркеліп, оларға ескерту немесе айыппұл түріндегі жаза тағайындалады.
