Елордада ағымдағы жылы 6 366 пәтер пайдалануға берілді
АСТАНА. ҚазАқпарат - Астанада жаңа тұрғын үйлер мен кешендер салынып жатыр. Ескі тұрғын үй қорының орнына бірте-бірте жаңа құрылыстар бой көтеруде, онда қала тұрғындарының сапалы өмір сүруіне қолайлы жағдайлар жасалады.
Астана қаласы Статистика департаментінің хабарлауынша, үстіміздегі жылдың қаңтар айынан қазан айына дейін елордада барлық қаржыландыру көздерінің есебінен 6 366 пәтерлік тұрғын үйлер пайдалануға берілді. Тапсырылған үйлердің жалпы ауданы - 789,047 шаршы метр.
Бұл өткен жылдың сәйкес мерзімімен салыстырғанда 4,4% артық. Соның ішінде жеке үй салушылар салған үйлердің жалпы ауданы - 50 609 шаршы метр. Биыл жеке тұрғын үй құрылысының жалпы тапсырылған үйлердегі үлесі 6,4% құрады, деп хабарлайды astana.k.
